Guðmundur Felix steig dans með eiginkonunni: „Hamingjan er val“

Staðan er farin að batna hjá Guðmundi Felix Grétarssyni og steig hann dans með konu sinni í tilefni þess.

Guðmundur Felix hefur staðið í ströngu síðastliðna viku eftir að líkami hans byrjaði skyndilega að hafna handleggjunum sem hann fékk grædda á sig fyrir tveimur árum. En nú virðist sem hann ætli að ná sér en hann hefur undirgengist fjórar aðgerðir til að bjarga handleggjunum.

Guðmundur Felix birti fallegt myndband á Instagram þar sem hann stígur dans með eiginkonu sinni, Sylwiu Gretarsson. Við myndbandið skrifaði hann: „Vikan er búin að vera óhugnanleg en nú, fjórum aðgerðum síðar, lítur þetta betur út. Gæti verið hér fram að miðju næstu viku.“ Þá er ritað á myndbandið sjálft: „Hamingjan er val“