Mánudagur 20. maí, 2024
7.8 C
Reykjavik

Hjörvar ánægður en Inga óttaslegin

VefTv

- Auglýsing -

Hlaðvörp

- Auglýsing -

Hjörvar Hafliðason greindi frá gleðitíðindum í vikunni en Inga Sæland átti ekki sjö dagana sæla.

Góð vika – Hjörvar Hafliðason
„Það er afskaplega ánægjulegt að vera kominn aftur.“ Hjörvar Hafliðason gat ekki leynt gleði sinni þegar kunngjört var í vikunni að hann hefði verið ráðinn aftur til starfa sem sérfræðingur í fótboltaumfjöllun á Stöð 2 Sport, eftir að hafa verið sagt upp ásamt tólf öðrum hjá Sýn á síðasta ári. Samsæriskenningar voru uppi um að hið vinsæla en umdeilda hlaðvarp Hjörvars, Dr. Football, hefði átt þátt í því að fjölmiðlamaðurinn geðþekki var látinn fjúka en stjórnendur fyrirtækisins vildu meina að uppsagnirnar væru liður í sameiningu Vodafone og 365. Hvað sem því líður er ljóst að bæði fótboltaunnendur og yfirmenn hjá fyrirtækinu eru ánægðir með að fá sinn mann aftur, „enda einhver mesti spekingur um fótbolta sem við eigum“, eins og framkvæmdastjóri fjölmiða hjá fyrirtækinu lýsti yfir, og „til viðbótar við það er hann fantagóður sjónvarpsmaður“. Hjörvar verður með í umfjöllun um Meistaradeild Evrópu og Pepsi Max deild karla og segist sjálfur mæta extra frískur aftur til leiks, eftir „smáfrí“.

Slæm vika – Inga Sæland
Inga Sæland hefur ekki átt sjö daga sæla eftir að fréttir fóru að berast af kórónaveirusmitum á einum af vinsælli áfangastöðum íslenskra túrista í vikunni, eynni Tenerife. Inga, sem hefur vaðið eld og brennistein í baráttu sinni fyrir velferð íslenskra borgara, lýsti því yfir að grípa þyrfti til róttækra aðgerða til að sporna við komu veirunnar hingað til lands, leggja áætlanaflug Íslendinga til Tene niður tafarlaust og senda Íslendinga á leið þaðan beint í sóttkví í Egilshöll. Þessum hugmyndum þingkonunnar hefur hins vegar verið tekið fálega og þannig gat Anna Kristjánsdóttir, íbúi á Tenerife, ekki stillt sig um að stinga upp á því í háði að landinu verði frekar lokað fyrir öllu flugi frá útlöndum, skip frá útlöndum sett í sóttkví með hafnbanni og landsmenn skríði bara aftur inn í moldarkofana. Inga, sem er ekki vön að lúffa, segist vera slétt sama þótt hún sé sökuð um hræðsluáróður, „þá bara so be it“. Öryggi þjóðarinnar sé í húfi.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -