Sandra Ósk Jóhannsdóttir, sjálfboðaliði hjá Dýrfinnu, tísti rétt fyrir miðnætti á nýársdag að köttur hafi fundist á Vesturlandsvegi í Reykjavík. Samstarfskona hennar, Freyja, hafi farið á vettvang, skannað dýrið og haft samband við eiganda kattarins. Í ljós kom að kötturinn sem ber nafnið Brúsi, hafi verið týndur í þrjú ár.
Brúsi var fæddur 2007 og því kominn á sextánda aldursár. Sandra segir í færslunni: „Ég fékk símtal frá tveim ungum strákum um kaldan kött sem þeir fundu á Vesturlandsvegi.“ Brúsi reyndist vera mjög slappur og hafði leitað í hita sem leitaði upp frá ræsisloki. Sandra tístir: „Hefði eflaust ekki lifað af nóttina í kuldanum.“
Allt er gott sem endar vel og er Brúsi nú kominn til eiganda sinna í Grafarvogi.
Hér að neðan má sjá Twitter-þráð Söndru:
Ég fékk símtal frá tveim ungum strákum um kaldan kött sem þeir fundu á Vesturlandsvegi. Freyja fór að skanna og hringdi í eiganda. Hann er búinn að vera týndur í ÞRJÚ ÁR. Hann er á leiðinni heim til sín í Grafarvoginn❤️❤️
— Sandra Ósk Jóhannsdóttir (@sandra_johanns) January 1, 2023