Listakonan Julia Mai Linnéa Mar varð fyrir aðkasti ísraelskt pars í miðbæ Reykjavíkur, þegar hún var að mála listaverk til stuðnings Palestínu, á vegg.
Julia Mai Linnéa Mar, birti myndskeið á Instagram sem sýnir par veitast að henni með dónaskap og blammeringum, fyrir að mála listaveggið á opinberum stað. Í byrjun er parið nokkuð rólegt en smá saman æstust leikar. Spurðu þau Juliu í upphafi hvort hún hefði fengið leyfi fyrir listaverkinu sem hún svarar ekki en segist hafa rétt á að tjá sig. Konan segir henni svo að verkið sé móðgun við hana. „Sjáðu hvað ég skelf? Ég skelf þegar ég sé þetta. Af því að þessi fáni [bendir á palestínska fánann] drap mitt fólk, drap fjölskyldu mína.“ Segir konan svo að móðir hennar, sem sé níræð, hafi ekki komist út úr húsi í sex mánuði en hún búi í 20 mínútna fjarlægð frá Gaza. Julia spurði þá hvort móðir henna væri enn á lífi. Bætir svo við að Ísraelar hafi drepið yfir 12 þúsund manns. Við það reiðist maðurinn og segir: „Nei, þú skalt hafa þetta rétt. Hvað er Hamas fyrir þér?“ Julia svaraði: „Hvað er Hamas fyrir mér? Ég er ekkert að styðja það sem Hamas er að gera.“ Bendir þá maðurinn á listaverkið, sem sýnir konu með dáið ungabarn í fanginu inni í hjarta, og öskrar: „Jú, með þessu! Þetta er Hamas! Þetta er Hamas (og bendir á palestínska fánann.“ Listakonan svarar: „Nei, þetta er Palestína.“ Öskrar þá maðurinn: „Hamas drepur fólk og þetta drepur Ísland! Hamas drepur sín börn!“ Þarna er konan byrjuð að draga manninn í burtu en Julia svaraði honum rólega: „Nei, þetta er ekki Hamas, nei þetta drepur ekki Ísland.“
Við færsluna skrifaði Julia eftirfarandi texta:
„Hér er ég að nýta mitt tjáningarfrelsi til að bera fram boðskap palestínsku þjóðarinnar á friðsamlegan hátt og fékk í kjölfarið yfir mig þessa hatursorðræðu sem sést í þessu myndbandi. Fólkið í myndbandinu veittist að mér á almannafæri og sá vel að ég var að taka upp myndband. Þau höfðu því val um það að stíga frá mér og úr mynd í stað þess að halda áfram að ráðast á mig með orðum. Þar af leiðandi tel ég réttlætanlegt að birta þetta fyrir allra augum, enda ætti fólk ekki að hrópa svona hluti í myndbandsupptöku í almenningsrými ef þeir mættu ekki vera á almannavitorði. Ég mun ekki hætta að segja #FrjalsPalestína ❤️“
Hin ótrúlegu samskipti má sjá hér fyrir neðan:
View this post on Instagram