Laugardagur 15. júní, 2024
13.8 C
Reykjavik

Kertafleyting fyrir fórnarlömb Ísraelshers á sunnudaginn: „Þjóðarmorðið stendur ennþá yfir“

VefTv

- Auglýsing -

Hlaðvörp

- Auglýsing -

Kertafleyting fyrir fórnarlömb þjóðarmorðsins á Gaza fer fram við Tjörnina sunnudaginn 7. apríl klukkan 21:00

Samkvæmt tilkynningu frá félaginu Ísland-Palestína, verður fórnarlamba þjóðarmorðsins á Gaza minnst á sunnudaginn 7. apríl með kertafleytingu. Þá verða sex mánuðir liðnir frá því að þjóðarmorð Ísraels á Gaza hófust. „Félagið Ísland-Palestína mun standa fyrir kertafleytingu til þess að minnast þeirra sem hafa verið drepnir í gegndarlausu stríði Ísraels gagnvart öllu lífi Í Palestínu,“ segir í tilkynningunni. Og áfram heldur hún: „Þjóðarmorðið stendur ennþá yfir og duga hvorki bindandi ályktanir frá Öryggisráði Sameinuðu Þjóðanna, né Alþjóðadómstólnum til að stöðva drápsherferð Ísraela. Tæplega 42.000 manns hafa verið drepin í sprengjuárásum eða liggja undir rústum húsa. Engin neyðaraðstoð kemst til Gaza borgar og hafa öll stærstu mannúðarsamtök á svæðinu þurft að hætta starfsemi vegna kerfisbundis ofbeldis og morða Ísraels á starfsfólki þeirra.“

Þá kemur fram í tilkynningunni að fólk á Gaza svelti og sé „tortímt af sprengjum“. Þar er aukreitist minnst á fjöldamorð sem framið var á al-Shifa spítalanum: „Hræðilegt fjöldamorð átti sér stað á Al-Shifa spítalnum seinustu tvær vikur þar sem þúsundir höfðu leitað sér skjóls. Hundruðir líka hafa fundist útum allan spítalann, konur, börn og heilbrigðisstarfsfólk sem hafa verið pyntuð og tekin af lífi. Yfirvofandi er innrás Ísraels inn í Rafahborg þar sem 1.4 milljónir hafa flúið ofbeldið.“

Athöfnin byrjar klukkan 21:00 við tjörnina, milli Tjarnargötu og Skothúsvegar. 

Kerti verða til sölu og kostar hvert kerti 1000 krónur. Ágóði rennur til Félagsins Ísland-Palestína og til mannúðarstarfs á Gaza.

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -