Kleini segist hafa fengið margar spurningar um það hvort hann sé laus úr haldi lögreglunnar og svarað því á Instagram.
Sjá einnig: Kleini handtekinn af sérsveitinni á Húsavík
Malaga-fanginn fyrrverandi og áhrifavaldurinn Kleini (Kristján Einar Sigurbjörnsson) birti myndskeið í story á Instagram-reikningi sínum í gærkvöld þar sem hann svaraði spurningu sem hann sagðist hafa fengið frá mörgum. Spurningin var bara sú hvort hann væri laus úr haldi lögreglu en sérsveit ríkislögreglustjóra handtók hann á Húsavík í gær fyrir grun um alvarlega líkamsárás á Akureyri um áramótin.
„Já, ég er sko laus,“ svaraði Kleini glottandi og bætti við: „Saklausum mönnum er oft sleppt sko, allavega á endanum.“
Í síðustu færslunni í story birtir hann myndskeið af sjálfum sér reykja eða veipa en á skjánum stendur „svara skilaboðum við tækifæri“ en svo lítur hann fram og segir einfaldlega „já“.
Kleini sat inni í átta mánuði í Malaga fyrir þrjár alvarlegar líkamsárásir.
Sjá einnig: Kristján Einar handtekinn fyrir þrjár alvarlegar líkamsárásir – Situr í fangelsi í Malaga