Kona flutt á bráðamóttöku eftir slys í Árbæ

Lögreglu barst tilkynning í gærkvöldi um slys sem átti sér stað í Árbæ. Þar hafði kona dottið og fengið skurð í andlitið. Var hún flutt á bráðamóttöku til aðhlynningar. Fyrr um kvöldið sinnti lögregla tveimur útköllum vegna þjófnaðar úr verslun. Ekki kemur fram í dagbók lögreglu hvort þjófarnir hafi náðst.

Í Hlíðunum kannaði lögregla minniháttar skemmdarverk en skemmdarvargurinn var á bak og burt þegar lögreglu bar að garði. Þá sinnti lögregla reglubundnu umferðareftirliti og stöðvaði tvö sem grunaðir voru um akstur undir áhrifum fíkniefna. Einn ökumaður var stöðvaður við eftirlit en sá reyndist aldrei hafa fengið bílpróf. Auk þess sinnti lögregla útköllum vegna fólks í annarlegu ástandi.