Loks birtast úrslit símakosninga í undanúrslitum – Bashar með flest atkvæði allra

Úrslit símakosninga í undanúrslitum Söngvakeppni sjónvarpsins 2024 hafa loks verið senda á fjölmiðla.

Mannlíf var varla búið að senda út frétt um tafir á birtingu úrslita á símakosningunni í undanúrslitum Söngvakeppninnar 2024, en að Rúnar Freyr Gíslason, framkvæmdarstjóri keppninnar, sendi tölurnar á fjölmiðla.

Fjórða mars RÚV niðurstöður kosningar frá úrslitakvöldi Söngvakeppinnar. Þar kom fram að lagið  Scared of Heights í flutningi Heru Bjarkar sigraði keppnina með 100.835 atkvæðum. Lagið Wild West  varð í 2. sæti með 97.495 atkvæði en þessi tvö lög háðu hið svokallaða einvígi.

Hér má svo sjá úrlit frá undankeppnunum:

Fyrri undanúslit 17. febrúar – Úrslit símakosningar almennings 

1. Bíómynd – VÆB: 7.347 atkvæði 
2. Stingum af – ANITA: 6.514 atkvæði 
3. Sjá þig – Blankiflúr: 3.046 atkvæði 
4. Ró – Ceasetone: 1.344 atkvæði 
5. Fiðrildi – Sunny: 577 atkvæði 

Það voru því lögin Bíómynd og Stingum af sem komust áfram í úrslit keppninnar. Seinni undanúslit 24. febrúar – Úrslit símakosningar almennings 

1. Vestrið Villt – Bashar Murad: 9.034 atkvæði 
2. Við förum hærra – Hera Björk: 8.552 atkvæði 
3. Um Allan Alheiminn – Sigga Ózk: 6.730 atkvæði 
4. Fljúga burt – MAIAA: 3.184 atkvæði 
5. Þjakaður af ást: 1053 atkvæði 

Vestrið villt og Við förum hærra komust því beint í úrslitin en framleiðendur keppninnar hleyptu „Einu  lagi enn“ í úrslitin og varð lagið Um Allan Alheiminn fyrir valinu.

Samkvæmt Rúnari er undirbúningur fyrir ferð íslenska hópsins til Malmö nú í fullum gangi en Hera Björk stígur á svið í fyrri undanúrslitum Eurovision þriðjudaginn 7. maí. Seinni undanúrslit fara svo fram fimmtudaginn 9. maí og úrslitakvöldið verður laugardaginn 11. maí. Allar keppnirnar verða sýndar í beinni útsendingu á RÚV.