Laugardagur 20. apríl, 2024
7.1 C
Reykjavik

Mast svarar Dýraverndarsamtökum Íslands: „Myndirnar voru ekki í samræmi við aðstæður“

VefTv

- Auglýsing -

Hlaðvörp

- Auglýsing -

Matvælastofnun segir ljósmyndirnar sem Mannlíf hefur birt af aðbúnaði og slæmu ástandi nautgripa á bæ í Skagafirði, ekki í samræmi við það sem eftirlistmenn stofnunarinnar sáu í ferðum sínum á bæinn.

Matvælastofnunin skrifaði rétt í þessu athugasemdir á heimasíðu sinni vegna tilkynningar sem Dýraverndunarsamband Ísland varðandi slæma meðferð á dýrum í Skagafirði. Þar útskýrir Mast að í þrígang hafi fulltrúi stofnunarinnar farið í eftirlitsferðir á bóndabæinn eftir ábendingar en ekki séð neitt sem hægt var að gagnrýna, fyrir utan smávægileg frávik um hreinlæti nokkurra gripa og athugasemd við herðakamsbslá. Segir Mast að þær myndir sem Dýraverndarfélag Íslands vísar í og Mannlíf hefur birt, séu ekki í samræmi við það sem eftirlitsmenn stofnunarinnar hafi séð á bænum.

Tilkynningu Mast má lesa í heild sinni hér fyrir neðan:

Matvælastofnun vill koma eftirfarandi á framfæri vegna tilkynningar sem Dýraverndunarsamband Íslands sendi frá sér þann 2. febrúar sl. um dýr í neyð á Norðurlandi og kröfu um tafarlausar aðgerðir af hálfu yfirvalda í málinu.

Eftirlit Matvælastofnunar sýndi fram á að nautgripir sem um ræðir voru hvorki í neyð né horaðir.

Matvælastofnun framkvæmdi eftirlit á viðkomandi bæ þann 16. nóvember sl. Eftirlitið sem var óboðað fór fram vegna ábendingar sem stofnuninni barst um slæman aðbúnað nautgripa á bænum. Frávik um hreinleika nokkurra gripa og athugsemd við herðakambslá var skráð en önnur skoðunaratriði reyndust í lagi. Við eftirlitið var ekki mikill skítur undir nautgripum og hálmur var til staðar.  Fyrrnefndar athugasemdir voru ekki tilgreindar sem  alvarleg frávik og í samræmi við skráð verklag var veittur hefðbundinn frestur til úrbóta.

- Auglýsing -

Í kjölfar eftirlitsins barst stofnuninni önnur ábending um slæman aðbúnað á sama bæ og fylgdi Matvælastofnun ábendingunni eftir þann 6. desember sl.  Ekki var tilefni til að skrá frávik.

Þann 30. janúar sl. fylgdi Matvælastofnun eftir þriðju ábendingunni sem stofnuninni barst vegna aðbúnaðar á bænum. Ekki var tilefni til að skrá frávik.

Þær myndir sem Dýraverndunarsambandið vísar til í yfirlýsingu sinni og sendar hafa verið til stofnunarinnar gefa ekki rétta mynd af holdafari nautgripanna eða aðstæðum á bænum á fyrrnefndu tímabili. Myndirnar voru ekki í samræmi við aðstæður eins og þær hafa birst eftirlitsmönnum stofnunnarinnar í þau þrjú skipti sem stofnunin hefur fylgt eftir ábendingum um umhirðu og aðbúnað nautgripa á bænum og kemur fram í eftirlitsskýrslu stofnunarinnar.

- Auglýsing -

Búfjárhald á bænum mun sæta reglubundnu eftirliti áfram.

Skoðunaratriði eru metin í samræmi við skoðunarhandbók sem gefin hefur verið út varðandi nautgripaeldi: https://umsokn.mast.is/onequalityweb/Displaydocument.aspx?itemid=276364209870730246241

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -