- Auglýsing -
Boðað hefur verið til mótmæla fyrir framan bústað rússneska sendiherrans á Íslandi við Túngötu 24 í dag klukkan 12. Úkraínskir og rússneskir íbúar á Íslandi standa fyrir mótmælunum og vilja vekja athygli á fjölmörgum málum nauðgana og annars konar ofbeldis sem hermenn Rússlands hafa beitt almennum borgurum Úkraínu. Talið er að aldur fórnalambanda sé á milli 5 ára og upp í 84 ára.
Mótmælt verður í fleiri löndum Evrópu, er krafist þess að öll tilfelli stríðsglæpa verði rannsökuð og gerendum refsað. Mótmælendur verða að hluta til naktir og málaðir rauðir á fótleggjum og mitti sem á að tákna blóð fórnalamba stríðsins. Vegna veðurfars munu mótmælin ekki standa lengi yfir.