Samstillt samstöðuganga með Palestínu verður farin á öllum Norðurlöndunum á morgun.
Um öll Norðurlöndin, allt frá Stokkhólmi til Kaupmannahafnar, Helsinki til Tampere og Osló til Þórshafnar verður gengið til stuðnings Palestínu á morgun, 2. mars. Í Reykjavík verður gengið frá Hallgrímskirkju, en fólk mun safnast saman klukkan 14.00 og ganga af stað 14.20.
Hyggst fólk ganga saman að sendiráðum Bretlands og Þýskalands við
Laufásveg 31, til að „beina mótmælum sínum að samsekt Bretlands og
Þýskalands í hernámi á Palestínu og yfirstandandi þjóðarmorði,“ eins og það er orðað í tilkynningu frá skipuleggjendum göngunnar.
Ávörp á fundinum verða í höndum Hjálmtýrs Heiðdal, formanns Félagsins Ísland-Palestínu og Enas Dajani. Fundarstjóri er Salvör Gullbrá Þórarinsdóttir.
Gangan verður gengin á vegum eftirfarandi norrænna samstöðufélaga með
Palestínu:
Aksjonsstemmer for Palestina – Noregur
Félagið Ísland Palestína
Free Palestine JKL – Finnland
Civil Rights Collective – Svíþjóð
Kuopio for Palestine – Finnland
Direct Action Aarhus – Danmörk
Turku with Palestine – Finnland
Palæstina Solidaritetsnetværks Boykotgruppe – Danmörk
Stop Annekteringen – Danmörk
Malmö for Palestine – Svíþjóð
Frælsisfylking – Færeyjar
Tampere with Palestine – Finnland
Street Action – Danmörk
Pal Actions – Danmörk
Samstöðutjaldið – Ísland
Oulu Voices – Finnland
Rattvisa for alla – Svíþjóð
Palestinakomiteen i Norge – Noregur
Palestiina.fi – Finnland
Roimielenosoitus – Finnland
No Borders – Ísland
Samhugi við Palestína – Færeyjar
Sumud.fi – Finnland