Sunnudagur 14. ágúst, 2022
7.8 C
Reykjavik

Ný Tónlistarmiðstöð: „Tímabært að skapa henni hagkvæmt umhverfi á borð við aðrar atvinnugreinar“

Helgarviðtalið

- Auglýsing -

Orðrómur

- Auglýsing -

Tónverkamiðstöð, Tónskáldafélag Íslands og Félag tónskálda og textahöfunda boðuðu til kynningarfundar um vinnu við Tónlistarmiðstöð fyrir félagsmenn sína.

Lilja Dögg Alfreðsdóttir, menningar- og viðskiptaráðherra, ávarpaði fundinn og ræddi við félagsmenn um vinnuna. Umræður sköpuðust á fundinum sem var vel sóttur.

„Það er mikilvægt að halda fundi sem þessa, geta sagt frá því hversu vel vinnan gengur og halda vel á spöðunum varðandi allt samráð. Ég tala um að nú sé tími tækifæra og tækifærin eru í tónlistinni. Það var gott að fá að ávarpa fundinn og taka þátt í samtalinu um framtíð Tónlistarmiðstöðvar. Tónlistarmiðstöð verður einn af hornsteinum íslensks tónlistarlífs og iðnaðar og það er tímabært að skapa henni hagkvæmt umhverfi á borð við aðrar atvinnugreinar,“ segir ráðherra.

Auk ráðherra ávörpuðu formenn félaganna. Bryndís Jónatansdóttir, verkefnastjóri um stofnun Tónlistarmiðstöðvar fór yfir vinnuna við undirbúning og framtíðarsýn miðstöðvarinnar.

Undirbúningur að stofnun byggir á skýrslu starfshóps frá 2021 sem finna má í viðhengi auk kynningar sem dregur fram helstu tillögur og niðurstöður starfshópsins.

Stefnt er að opnun Tónlistarmiðstöðvar snemma á næsta ári.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -