Rebeccu Cathrine Kaad Ostenfeld, var sagt upp störfum í gær í Krambúðinni í Búðardal. Greindi Rebecca frá uppsögninni á Facebook síðu sinni og birti mynd af uppsagnarbréfinu. Formleg ástæða uppsagnarinnar er sögð vera skipulagsbreyting en að sögn Rebccu fannst verslunarstjóranum hún tala of mikið við viðskiptavini. Uppsögnin er sérstök að því leytinu til að Rebecca var útnefnd sem Dalamaður ársins 2022 og hafði starfað fyrir krambúðina í Búðardal í rúm tíu ár. Samkvæmt heimildum Vísis, sem greindi fyrst frá málinu, hefur Rebecca getið sér orðstýr sem hjartahlý og jákvæð sem taki á móti viðskiptavinum með brosi og stundum faðmlagi. Í Facebook-færslu Rebeccu segir:
„Elsku vinir mína, ég vill bara látið ykkur vita, að eftir yfir 10 ár sem starfsmaður í Krambuðin í Búðardal, var mér sagt upp i morgun og átti að skila lyklarnir mína strax og fara heim. Uppsagnin var vegna skipulagsbreytingar og eins og veslunastjorarinn sagði, „Þú taler of mikið við viðskiptavinirnir“
Ég vill þakka ykkur elsku vinir og viðskiptavina, fyrir að vera svo dásamlegir þið gera lifið betra
Kóss og knús til ykkur, frá ykkar Rebbu I Holum.“
Viðbrögð við færslunni hafa ekki látið á sér standa og hafa fjölmargir skrifað athugasemd við færsluna. Ekki liggur fyrir hvers konar skipulagsbreytingar eru á döfinni hjá Krambúðinni í Búðardal en ekki náðist samband við Samkaup við vinnslu fréttar.