Lögreglurannsókn á hendur Skúla Tómasi Gunnlaugssyni, fyrrverandi lækni á Heilbrigðisstofnun Suðurnesja, er við það að ljúka. Niðurstaða hennar virðist vera að Skúli hafi sett samtals sex sjúklinga í tilefnislausa lífslokameðferð. Málið verður sent til héraðssaksóknara innan skamms.
RÚV greinir frá þessu og hefur það eftir Úlfari Lúðvíkssyni, lögreglustjóra á Suðurnesjum. Skúli er grunaður um að hafa myrt sex sjúklinga á árunum 2018 til 2020. Líkt og fyrr segir þá voru sjúklingar, til að mynda kona á áttræðisaldri, settir í lífslokameðferð að tilefnislausu.
Málið komst upp þegar fjölskylda fyrrnefndrar konu kvartaði til Landlæknis árið 2020 vegna slæmrar meðferðar á henni eftir andlát hennar. Skýrsla Landlæknis um það mál var svört og var niðurstaðan að alvarleg vanræksla hafi átt sér stað.