„Síðan að ég var fyrst kosin formaður Eflingar árið 2018 hef ég verið kölluð bókstaflega öllum illum nöfnum.“
Þannig hefst færsla sem Sólveig Anna Jónsdóttir, formaður Eflingar skrifaði á Facebook í gær. Í færslunni telur verkalýðsforinginn upp brot af þeim viðurnöfnum sem hún hefur fengið frá því að steig fram hjá sjónarsvið verkalýðsbaráttunnar. Segist hún í hæðnistón vera að spá í að setja eitt þeirra á bol.
Færlan er hér í heild sinni:
„Síðan að ég var fyrst kosin formaður Eflingar árið 2018 hef ég verið kölluð bókstaflega öllum illum nöfnum. Ég fór úr leikskólanum þar sem blessuð börnin kölluðu mig m.a. Lólu, Donnu, og Salad yfir í aðra veröld þar sem ég fékk skyndilega status í hugum fjölmargra manna sem andstyggileg kvensnift til að hata, fyrirlíta og svívirða. Á þessum árum sem liðin eru hefur hugmyndaauðgi uppnefnaranna spannað allan skalann, frá því að vera mjög basic; þjófur, geðveik, fífl, kellingarbeygla, pjúra lygari (það kallaði ný hetja miðstjórnar Alþýðusambandsins mig í einka-skilaboðum til ókunnugra manna úti bæ í samstöðu sinni með manni sem hafði gerst sekur um grófa ofbeldishótun gagnvart mér) yfir í uppátækjasamari nálganir; Pútína finnst mér dæmi um sérlega vel heppnað uppnefni, blanda af því að kalla mig einvald og pútu. Rétt áðan sá ég svo mann kalla mig nýju og frábæru uppnefni: FREKJUGEIT. Þessi FREKJUGEIT, alltaf eittvað að frekjast.