Fimmtudagur 28. mars, 2024
3.8 C
Reykjavik

Þótti Skaupið klént og Kryddsíldin betri: „Kann betur en flestir aðrir að hagræða sannleikanum“

VefTv

- Auglýsing -

Hlaðvörp

- Auglýsing -
Í nýrri fésbókarfærslu óskar Brynjar Níelsson fylgjendum sínum gleðilegs árs og stiklar á stóru um Áramótaskaupið og Kryddsíld. Ef lesa má í nástöðu og einhæfni í orðavali Brynjars er augljóst að honum þótti skaupið ómerkilegt eða klént eins og hann síendurtekið ritar:
„Það voru nokkrir góðir sprettir í Skaupinu en heilt yfir var það frekar klént, eins og Jón Viðar myndi segja. Sérstaklega klént að nota börn til að boða rétthugsunina.“
Þá segist hann ekki hafa nennt að horfa á Skaupið til enda ef ekki hefði verið fyrir innkomu Stefáns Ingvars Vigfússon. Ætli hégóminn hafi ekki borið Brynjar ofurliði en þeir félagar hafa eldað grátt silfur og áttu í opinberu orðaskaki í fjölmiðlum og víðar síðastliðið sumar.
Þá segir Brynjar að hann hafi haft meiri gleði af Kryddsíldinni en Skaupinu, en Kryddsíld ársins var sýnd í lokaðri dagskrá Stöðvar 2 – mörgum landsmönnum til gremju og óhamingju: „… enda venjulegt þus og neikvæðni mér að skapi. Hróshringurinn í lokin setti viðmælendur í erfiða stöðu, ekki síst Sigmund Davíð. En þau leystu þetta erfiða verkefni snilldarlega eins og stjórnmálaforingjum sæmir.“
Brynjar endar þá færsluna á að hrósa gestum þáttarins og viðurkennir að þeir hefðu staðið sig jafnvel og hann sjálfur hefði gert:
„Ég hefði ekki gert þetta betur og hef þó unnið við að ljúga alla starfsævina og kann betur en flestir aðrir að hagræða sannleikanum.“
Hér að neðan má sjá færslu Brynjars:

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -