Tveir erlendir ferðamenn létust í alvarlegu bílslysi er varð rétt fyrir tíu í morgun á Þjóðvegi 1, vestan við afleggjarann að Skaftafelli.
Samkvæmt tilkynningu frá lögreglunni á Suðurlandi skullu tveir bílar saman en þeir komu úr gagnstæðum áttum. Mikil hálka var á vettvangi. Alls voru átta í bílunum tveimur en tveir þeirra, erlendir ferðamenn, voru úrskurðaðir látnir á vettvangi. Hinir sex slösuðust minna en fengu aðhlynningu á Landspítalann í Fossvogi, en þeir voru fluttir þangað með þyrlu Landhelgisgæslunnar, samkvæmt frétt Vísis.
Á vettvang slyssing fór fjölmennt lið viðbragðsaðila frá slökkviliðum, björgunarsveitum, lögreglu og sjúkraflutningum, auk tveimur þyrlum Gæslunnar.
Vinnan á vettvangi er komið langt á leið samkvæmt tilkynningu lögreglunnar en rannsókn málsins er á frumstigi en það er lögreglan á Suðurlandi sem framkvæmir hana. Þjóðveginum er lokað á meðan unnið er á vettvangi en hægt er að aka um hjáleið við Skaftafell.