Björk Guðmundsdóttir hefur nú náð að selja þakíbúð sína í New York, í Brooklyn-hverfinu, en nokkuð er um liðið síðan hún setti hana fyrst á sölu; það var í september 2018.
Upphaflega var verðið á íbúðinni 9 milljónir dollara en sú upphæð þótti of há og því þurfti Björk að lækka verðið talsvert.
Svo fór að Björk ákvað að selja íbúðina á 6 milljónir dollara.
Þakíbúðin sem um ræðir er um 280 fermetrar að stærð og fermetraverðið því um 2,8 milljónir króna.
Íbúðin er staðsett í fallegu húsi í góðu hverfi í Brooklyn en í henni eru fjögur svefnherbergi og jafnmörg baðherbergi. Þá fylgir stór og flott verönd íbúðinni en frá veröndinni er gott útsýni yfir Manhattan.
![](https://www.mannlif.is/wp-content/uploads/2023/01/Bjork-Matthew-Barney.webp)
Björk keypti íbúðina upphaflega með fyrrverandi eiginmanni sínum, Matthew Barney, fyrir fjórar milljónir dollara. Björk keypti Barney svo út úr íbúðinni í kjölfar skilnaðar þeirra árið 2013.