Jón Arnór líklega að taka við þjálfun karlaliðs Keflavíkur

Samkvæmt heimildum Mannlífs verður það enginn annar en Jón Arnór Stefánsson sem mun taka við karlaliði Keflavíkur í körfubolta.

Keflavík datt út úr úrslitakeppninni í fyrstu umferð; tapaði 3-1 gegn Tindastól, sem fór áfram í undanúrslit.

Eftir tapið í fjórða leik liðanna þá sagði þjálfari Keflavíkur – Hjalti Þór Vilhjálmsson – starfi sínu lausu.

Sögurnar um að Jón Arnór sé að taka við sem þjálfari Keflavíkur fengu byr undir báða vængi þegar formaður körfuknattleiksdeildar Keflavíkur, Magnús Sverrir Þorsteinsson, setti ljósmynd af sér með Jóni Arnóri á samfélagsmiðla fyrr í dag.