Karl Skírnisson, Lífræðingur hefur birt áhugaverðar færslur um lúsmý og bitmý en báðar tegundirnar valda Íslendingum töluverðum ama á sumri hverju.
„Bitmý (Simulium) og lúsmý (Culicoides) horfast í augu! Hér má sjá stærðarmuninn á þessum tveimur blóðþyrstu tvívængjum sem hrjá landsmenn á sumrin. Ég náði báðum flugunum (og mörgum öðrum tegundum) í glugganum að Litlu Borgum í Hornafirði um miðjan júlí 2021. Til veiðanna notaði ég fínan pensil sem áður hafði verið vættur í spritti og færði aflann í sýnaglas með EtOH. Skömmu áður höfðu borist fregnir af lúsmýi í nágrenninu og var sá fundur staðfestur af kollegunum á Náttúrufræðistofnun,“ segir Karl og birtir mynd sem sjá má hér að neðan með færslu sinni.
Í annarri færslu segir Karl: „Bitmý og lúsmý eru tvær ólíkar, mjög misstórar tegundir þar sem lúsmýið er mun smávaxnara. Báðar sjúga blóð úr fólki og iðulega blæs stungusvæðið upp vegna ofnæmisviðbragða. Hér er mynd sem ég tók af lúsmýi sem flögraði inn um glugga á Tilraunastöðinni á Keldum. Ég gómaði þessa litlu flugu og ljósmyndaði hana meðan hún var enn á lífi. Þessa dagana ber nokkuð á bitmýi í Hornafirðinum þar sem ég hef verið síðustu vikur – en þar hef ég enn ekki orðið var við lúsmý! Vona að það haldist svo sem lengst. En skjótt skipast veður í lofti… Matthías Alfreðsson skordýrafræðingur á Náttútufræðistofnun fékk sýni til greiningar á dögunum og þar staðfesti hann lúsmý!“.
Þessir vágestir hafa valdið töluverðum usla og óþægindum. Börn sem fullorðnir oft mjög illa út leikið eftir bit frá þessum skepnum. Fólk er farið að forðast þau svæði þar sem mikið er um vágestina smáu.