Eins og Mannlíf greindi frá í dag þá hefur Katrín Lóa Kristrúnardóttir sakað Helga Vilhjálmsson, Helga í Góu, um kynferðislegt áreiti.
Helgi sendi frá sér stutta yfirlýsingu þar sem hann baðst afsökunar á athæfi sínu.
Katrín Lóa segist hins vegar halda að afsökunarbeiðni Helga sé frekar ætlað að verja vörumerki hans frekar en nokkuð annað; hann sjái ekki eftir neinu.
Svo sagði Katrín Lóa í samtali við Gústa B. í útvarpsþættinum Veislan á FM957.
Katrín Lóa kom fram í þættinum Eigin Konur, sem má finna á vef Stundarinnar, og var birtur í dag.
Sagðist hún hafa orðið fyrir kynferðislegu áreiti af hálfu Helga í Góu í kjölfar þess að hann lánaði henni peninga til útborgunar í íbúð.
Aðspurð um það hvort Katrín Lóa hefði séð að Helgi hefði beðist afsökunar, sagði hún að enginn hefði talað við hana:
„Það hefur enginn beðið mig afsökunar. Ég hef heyrt að eitthvað leiðinlegt kom fyrir.; en ég tel að afsökunarbeiðnin sé bara til þess, að þú veist, af því þetta er komið út í rauninni. Hann þarf að segja eitthvað. Ég held það sé brandið sko. Ég held hann sjái ekki eftir þessu.“