Kjötþjófur var gripinn í austurborginni þar sem hann hafði stolið kjöti sem verðlagt var á 85 þúsund krónur. Tekin var skýrsla af manninum sem mun þurfa að svara til saka.
Á svipuðum slóðum var maður í annarlegu ástandi á þvælingi um hverfið. Maðurinn var handtekinn til að hann færi sér ekki að voða og sefur nú á gúmmídýnu í læstum klefa.
Tveir 18 ára reyndu að kaupa áfengi á veitingastað í Reykjavík. Þeir þóttu grunsamlegir og við skoðun kom í ljós að þeir voru með fölsuð skilríki. Lögreglan veitti til þeim tiltal og kynnti þeim að skýrsla yrðu skrifuð um athæfi þeirra.
Grunsamlegt ökulag ökumanns varð til þess að lögreglu stöðvaði bifreiðina. Skoðun leiddi í ljós að ökumaðurinn er grunaður um akstur undir áhrifum fíkniefna og án þess að hafa gild ökuréttindi. Bifreiðin reyndist einnig vera ótryggð. Lögreglan dró fram klippurnar og fjarlægði skráninganúmer bifreiðarinnar. Nokkrir til viðbótar voru gripnir fyrir meintan ölvunarakstur eða fyrir að vera annarlegir og undir öðrum áhrifum.
Þá fékk Barnavernd tilkynningu eftir að lögreglan stöðvaði 17 ára ökumann á 125 kílómetra hraða í Ártúnsbrekkunni. Ökumaðurinn viðurkenndi brot sitt.