2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Klaustursþingmenn fórnarlömb samsæris og hatursherferðar

Í hverju tölublaði tiltekur Mannlíf þá aðila sem átt hafa góða daga og slæma daga. Að þessu sinni eru það Klaustursþingmenn og Guðmundur Þ. Guðmundsson sem eru hinir útnefndu.

Góð vika

Klaustursþingmenn

Þingmennirnir sex sem sátu að drykkju á Klausturbar og úthúðuðu meginþorra samstarfsmanna sinna á þingi hafa nú veitt sér syndaaflausn og eru allir sestir aftur á þing. Íhugun þeirra sem í fyrstu átti að felast í sjálfskoðun og iðrun, hefur nú leitt í ljós að þeir eru fórnarlömb samsæris og hatursherferðar.

Ekki einu sinni hinum snjalla spæjara Barnaby hefði dottið í hug, þegar málið var í hámæli, að hinn raunverulegi skúrkur í Klaustursmálinu væri þingforsetinn Steingrímur J. Sigfússon. En vegna þess að Steingrímur er svo vondur karl sáu þeir sér ekki annað fært en að taka að nýju sæti á Alþingi.

Slæm vika

Guðmundur Þ. Guðmundsson

AUGLÝSING


Þótt ekki hafi verið búist við miklu af íslenska handboltalandsliðinu á HM má segja að allt hafi farið í baklás eftir ágæta frammistöðu í riðlakeppninni. Tveir bestu og reyndustu menn liðsins, Aron Pálmarsson og Arnór Þór Gunnarsson, meiddust í fyrsta leik milliriðils og eftirleikurinn var erfiður fyrir unglingana okkar sem máttu sín lítils gegn ógnarsterkum Þjóðverjum og Frökkum.

Mestu vonbrigðin voru þó tap fyrir Brasilíu sem vekur upp áhyggjur um að liðið sé skemmra á veg komið í uppbyggingarferlinu en vonast var til. En sem betur fer er landsliðsþjálfarinn Guðmundur einn sá allra besti í bransanum og ef einhver getur komið liðinu á réttan stað þá er það hann.

Ekki missa af þessum

Annað áhugavert efni

Nýjast á Mannlíf.is