• Orðrómur

Kristján læknir lést í Svíþjóð: „Ég elska þig að eilífu og mun alltaf sakna þín“

Efnisorð

Deila

- Auglýsing -

Kristján Þór Guðmundsson læknir er látinn 53 ára að aldri. Kristján fæddist í Reykjavík 15. júlí 1968. Hann lést á heimili sínu þann 24. júní í Malmö, Svíþjóð. Foreldrar Kristjáns voru þau Hanna Sigurðardóttir, lögfræðingur og Guðmundur Helgi J. Elíasson. Kristján var elstur fjögurra systkina, Sigurðar Freys, Bjarndísar Hrannar og Tanyu Kristrúnar, sammæðra. Þá lætur Kristján eftir sig samfeðra systur í Kanada, Michelle Arnarson.

Kristján fluttist ungur með móður sinni til Kanada og bjó þar fyrstu þrjú ár ævi sinnar. Eftir að heim til Íslands var komið stundaði hann nám í Reykjavík. Hann útskrifaðist sem stúdent frá Fjölbrautaskólanum í Breiðholti 1988. Þá lagði hann stund á nám í læknadeild Háskóla Íslands Kristján og útskrifaðist þaðan 1997. Síðustu árin starfaði hann röntgensérfræðingur á sjúkrahúsi í Kongs­vin­ger í Nor­egi.

 

- Auglýsing -

„Það lék allt í hönd­um þér og það sem þú snert­ir varð að gulli, ég öf­undaði oft hæfi­leika þína og gáf­ur. Þú varst góður í öllu, hvort sem það var kara­te, söng­ur, spila á hljóðfæri, taka mynd­ir, vinna þær og vera sjálf­ur mód­elið. Sagðir oft við mig að það væri ekki þín sök að mynd­irn­ar af mér væru ekki góðar held­ur væri það hæfi­leiki minn að sitja fyr­ir sem skemmdi mynd­irn­ar. Þú komst skoðunum þínum alltaf skemmti­lega á fram­færi án þess að meiða ein­hvern. Minn­ing þín mun aldrei deyja. Ég elska þig að ei­lífu og mun alltaf sakna þín. Set hér smá texta úr lagi sem við hl­ustuðum oft á“.

Þín syst­ir

Bjarn­dís Hrönn Hönnu­dótt­ir.

- Auglýsing -

 

„Elsku Kristján minn ég vona af öllu hjarta að þú sért sátt­ur þar sem þú ert í dag og að þú hald­ir utan um alla þá sem þér þykir vænt um í sum­ar­land­inu, og ég ef­ast ekki um að það sé alltaf skandi­nav­ískt veður þar. Ég ætla að enda þetta á nokkr­um orðum úr lagi sem minn­ir mig alltaf á þig, og við tók­um svo fal­lega úti í garði í sól­inni og þú glamr­andi á gít­ar, elsku brói og ynd­is­lega sál.

 

- Auglýsing -

Hey litli hermaður

Viltu leika við mig?

Meðan kúl­ur fljúga um loft­in blá

við gæt­um leikið frið.

Ég skal vera kær­leik­ur­inn

þú get­ur verið skyn­sem­in.

Gleym­um fölln­um fé­lög­um

byrj­um upp á nýtt.

(Bubbi Mort­hens)

Ég elska þig alltaf,“

þín syst­ir Tanya.

 

 

Mannlíf vottar aðstandendum innilega samúð. Blessuð sé minning Kristjáns Þórs.

 

 

 

 

 

 

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Mest lesið í vikunni

- Auglýsing -