Samtök hér á Íslandi vilja brottflutning allra þeirra frá landinu sem ekki er af hinum norður-evrópskum uppruna, þá sem ekki teljast hvítir.
Samtök þessi beina baneitruðum spjótum sínum einnig að samkynhneigðum.
Undanfarið hafa verið límdir upp á mörgum stöðum á Norðurlandi; á miðunum er hampað hinum meintu yfirburðum hvítra norræna manns; einnig er tekin afstöðu gegn samkynhneigð.
Merki samnorrænnar nýnasistahreyfingar á Norðurlöndunum – græna örin, hefur verið á sumum límmiðunum; þar er vísað til samtaka sem byrjuðu með starfsemi sína í Svíþjóð, en hafa nú dreift sér um alla Skandinavíu.
Í grein Fréttablaðsins um málið er rætt við Jóhann Helga Heiðdal doktorsnema við Háskólann á Akureyri, og segir hann meðal annars þetta:
„Þetta eru merki samnorrænnar nýnasistahreyfingar.“ segir Jóhann, sem vill meina að einhverjir stjórnmálamenn á Íslandi hafi kynt undir mikla andúð og hatur á útlendingum, og bætir við:
„Það býr til jarðveg fyrir upplausnarástand og kyndir undir starfsemi svona hreyfingar. Það er búið að normalísera neikvæða umræðu um útlendinga,“ segir Jóhann
Eyrún Eyþórsdóttir er sérfræðingur í hatursglæpum og er einnig lektor í lögreglufræði við Háskólann á Akureyri. Hún er ekkert að skafa utan af hlutunum, enda vel inni í málaflokknum:
„Þetta er mjög rasískt, en hér á landi er líka núna verið að dreifa miðum þar sem talað er gegn samkynhneigð. Þetta eru nýnasistar, það er engin spurning, þannig fjalla fræðin um þetta. Við erum að tala um forræðishyggju sem stendur vörð um hvíta kynstofninn, að hann byggi á menningarlegum arfi, sem stenst ekki skoðun.“ Páley Borgþórsdóttir lögreglustjóri segir að lögreglan á Norðurlandi eystra kannist ekki við skilaboðin