2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Orkan okkar vill inngrip lögreglu eða Vinnueftirlits í störf þingsins svo Miðflokkurinn fái nægan svefn

Fulltrúar Orkunar okkar kærðu í morgun fundarstjórn forseta til Vinnueftirlitsins. Orkan okkar er baráttuhópur gegn samþykkt þriðja orkupakkans. Á spjallsvæði hópsins hafa nokkrir stuðningsmenn hópsins furðað sig á að vökulög verndi ekki Miðflokksmenn í málþófi.

Nú hagar svo til að nefnda- og þingfundir á Alþingi hafa staðið yfir nánast samfellt sólarhringum saman. Fundað er á víxl í nefndum og í þinginu, hvíldarlaust. Störf Alþingis eru um þessar mundir í andstöðu við Lög um aðbúnað, hollustuhætti og öryggi á vinnustöðum, einkum IX kafla laganna um hvíldartíma, frídaga og hámarksvinnutíma. Lögboðinn 11 klst. hvíldartími er órafjarri því að vera virtur,” segir yfirlýsingu hópsins.

„ Málið er sérstaklega alvarlegt í ljósi þess að um sjálfan löggjafann er að ræða og með því háttalagi sem hér er vísað til er gefið í skyn að lögum þurfi bara að fylgja þegar hentar. Förum við með bréfi þessu fram á að Vinnueftirlitið og/eða lögreglan bregðist tafarlaust við og stöðvi yfirstandandi lögbrot.“

Haraldur Ólafsson og Birgir Steingrímsson afhentu Hönnu Sigríði Gunnsteinsdóttur forstjóra Vinnueftirlitsins kæruna fyrir hönd Orkunnar okkar.

Ekki missa af þessum

Annað áhugavert efni

Nýjast á Mannlíf.is