Fimmtudagur 22. september, 2022
9.1 C
Reykjavik

„Pabbi hans, Benedikt, verður greiðandi“

Helgarviðtalið

- Auglýsing -

Orðrómur

- Auglýsing -

Bjarni Benediktsson fjármálaráðherra fær á baukinn í Fréttablaðinu í dag. Karl Th. Birgisson, blaðamaður og samfélagsrýnir, rifjar upp brask Bjarna á útrásarárunum og líkir braski hans með afleiðusamninga við atferli spilafíkils: „Hann tapaði alltaf, en hélt áfram að veðja eins og fíkill í spilakassa hjá Rauða krossinum. Á endanum var tapið hátt í fjörutíu milljónir, en eins og sagði í tölvubréfi innan húss hjá Glitni þegar spurt var um greiðslu eftir þetta fjárhættuspil: „Pabbi hans, Benedikt Sveinsson, verður greiðandi.“
Karl rifjar upp að Benedikt hafi leyft  syni sínum að gista á Flórída í ótöldum golfferðum. Meðal annars húsi í eigu Greenlight Holding, með lögheimili í skattaskjólinu Tortólu.
Karl telur að Ekkert liggi fyrir um það hvernig fjármálaráðherra hafi gert skattayfirvöldum grein fyrir gjafagjörningum föður síns og ókeypis gistingu í boði leynifélags á Tortólu. Svo sýnir Karl skilning á gjörðum Bjarna.
„Bjarni Benediktsson bara að reyna að drýgja tekjur sínar. Það er ekkert einfalt að vera fátækur alþingismaður,“ skrifar Karl.

Greinin í heild sinni er í miðopnu Fréttablaðsins. Karl rifjar svo upp íbúðarkaup þingmannsins þáverandi sem kennd eru við Falsom. Á ferðalagi á kostnað þingsins hnaut Bjarni um íbúð á Flórida með „truflað útsýni“ á „algerlega brjáluðum stað“. Auðvitað keyptu þeir félagarnir þessa íbúð,“ skrifar Karl og segir að tveimur dögum eftir fall Kaupþings hafi Bjarni gert upp við iðnaðarmennina á Flórída.

Óliklegt er að Bjarni svari þeim ávirðingum sem þarna eru bornar fram í víðlesnasta dagblaði landsins …

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -