Hún gefur ekkert eftir hún Elsa Pálsdóttir kraftlyftingakona úr Garðinum; 61 árs gömul varð hún Evrópumeistari og setti auk þess fimm heimsmet og fimm Evrópumet á Evrópumóti öldunga í kraftlyftingum sem nýverið fór fram í Tékklandi.
Glæsilegur árangur hjá Elsu sem keppir í -76 kg þyngdarflokki í aldurshópnum 60–69 ára; varð að einnig stigahæst í samanlögðum árangri.
Þegar Elsa tekur sér eitthvað fyrir hendur gerir hún það af fullum krafti; hún hefur ekki æft kraftlyftingar í nema tvö ár – keppti fyrst í greininni árið 2019.
Elsa vakti athygli á árangri sínum í færslu á Facebook-síðu sinni og sagði að nú væri hún „EVRÓPUMEISTARI, 5 HEIMSMET, 5 EVRÓPUMET og nokkur ÍSLANDSMET í mínum flokki er uppskeran á Evrópumeistaramóti í kraftlyftingum öldunga sem fram fór í Pilzen í Tékklandi. Þvílíkur dagur og þvílík upplifun.“