Fimmtudagur 29. febrúar, 2024
-5.2 C
Reykjavik

Sóley segir Vigdísi ljúga

VefTv

- Auglýsing -

Hlaðvörp

- Auglýsing -

Sóley Tómasdóttir, fyrrverandi borgarfulltrúi, kallar Vigdísi Hauksdóttur, borgarfulltrúa Miðflokksins, lygara. Það gerir hún í færslu á Facebook þar sem hún gerir aðferðarfræði Vigdísar í stjórnmálum að umræðuefni.

Vigdís ritaði grein þar sem fram komu alvarlegar ásakanir um stjórnunarhætti Dags B. Eggertssonar í starfi hans sem borgarstjóra. Hún segir þar borgarstjórann hafa þróað með sér ógnarstjórn sem embættismenn borgarinnar kikna undan. „Þegar aðilar sitja svo lengi á valdastóli þá fara þeir að sýna af sér hroka og yfirgengilega frekju. Honum mislíkar oft skoðanir og bókanir okkar í minnihlutanum. Hann hefur oft tekið reiðiköst á fundum og frussar á okkur skammaryrðum. Embættismenn sitja hnípnir hjá. Þetta er oft á tíðum ógnandi tilburðir sem líkja má við kúgun og þöggun. Hann telur að hann hafi boðvald yfir okkur, en það er siðlaust og óheiðarlegt því við sækjum okkar umboð til kjósenda en ekki hans eða ráðhússins,“ sagði Vigdís í grein sinni.

Vigdís rakkaði Dag borgarstjóra niður og sakar um ógnarstjórn

Sóley mislíkar mjög málflutningur Vigdísar. Eftir að hafa unnið í mörg ár með Degi á sviði borgarmála hafi hún fundið á honum marga galla en þessar ásakanir Vigdísar eig alls ekki við rök að styðjast. „Þó ég gæti alveg rakið allskonar galla hjá honum eins og öðru fólki, þá er það beinlínis fyndið að reyna að ímynda sér hann í reiðikasti, hvað þá ofsareiðikasti, frussandi skammaryrðum þannig að embættisfólk sitji hnípið hjá,“ segir Sóley og bætir við:

Sóley Tómasdóttir, fyrrverandi borgarfulltrúi

„En það er ekki fyndið að Vigdís ljúgi þessu upp á hann, því hennar aðferðafræði gengur út á einmitt þetta. Að sverta fólk og ljúga upp á það til að afla sjálfri sér vinsælda. Það er lágkúruleg og ljót pólítík sem ég vona að kjósendur sjái í gegnum.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -