Stefán Pálsson ritar á Facebook-síðu sinni að eitt sinn hafi hann leyst „húsnæðisvanda Háskólans með því leggja til kaup á Hótel Sögu, sem gekk síðan í gegn nokkrum vikum síðar og almenn glaðværð braust út í þjóðfélaginu.“
Og hann vill gera betur og bíður fram hinn frjóa hugmyndakoll sinn er hann ber eins og kórónu hins krýnda konungs:
„Nú skulum við gera enn betur… Landsvirkjun hefur yfirgefið höfuðstöðvar sínar við Háaleitisbraut vegna myglu. Húsnæðið er í raun ekki fyrirtækinu að skapi sem vill eitthvað meira hipp og kúl með fleiri kaffibörum og opnum rýmum – eins og sannast þessi dægrin þegar LV er rekið í leiguhúsnæði í miðbænum.“
Bætir við:
„Steinsnar frá turni LV er norðurmiðstöð Reykjavíkurborgar í vonlausu skítareddingarhúsnæði sem er tekið að leigu í Útvarpshúsinu. Þetta er aðstaða sem hentar illa fyrir starfsemina að flestu eða öllu leyti.“
Hver þá lausnin?
„Lausnin er augljós: Landsvirkjun lætur mygluhreinsa turninn sinn en EKKI til að flytja inn í hann aftur heldur ætti fyrirtækið strax að leita að nýju húsnæði í takt við sínar kröfur en semja um leið um að norðurmiðstöðin taki að leigu (eða kaupi) turninn í Austurveri þar sem hægt er að koma allri starfsemi hennar og mörgu til undir eitt þak.
Þetta gæti verið hluti af makaskiptasamningum ríkis og borgar varðandi lóðir eða húsnæði.
Látið þetta gerast, takk!“