Svavar Örn klippti Halldór Benjamín í dag: „Mér finnst hann með mjög fal­legt hár“ – SJÁIÐ MYNDINA!

Hall­dór Benja­mín Þor­bergs­son fram­kvæmda­stjóri SA er landsþekktur fyr­ir hár­prýði, og fer kappinn reglu­lega í klipp­ingu.

Smartland segir frá því að í dag hafi Halldór Benjamín heim­sótt Svavar Örn Svavars­son, einn albesta hár­greiðslu­meist­ara landsins á stofunni Senter. Og er Svavar Örn hrifinn af hárprýði Halldórs:

„Mér finnst hann með mjög fal­legt hár. Af hverju þurfa all­ir að vera eins og möppu­dýr með eins klipp­ingu? Mér finnst hann geggjaður svona,“ segir Svavar Örn sem séð hefur um hárið á Hall­dóri um allnokk­urt skeið:

„Ég vil alls ekki að all­ir séu eins. Mér finnst gam­an þegar fólk mæt­ir með smá hár. Það er eins og fólk þurfi alltaf að fá svaka­lega mikið fyr­ir pen­ing­inn þegar það fer í klipp­ingu. Það er miklu betra að mæta oft­ar og láta taka minna af því. Ég klippti hann ekki mikið. Ég var aðallega að snyrta hann,“ seg­ir Svavar Örn að endingu.