Fimmtudagur 2. febrúar, 2023
1.6 C
Reykjavik

Unglingsstúlka lést eftir að hún tók inn E-pillu: „Við höfðum aldrei neinar áhyggjur af henni“

Helgarviðtalið

- Auglýsing -

Orðrómur

- Auglýsing -

Unglingsstúlka, Lila-Grace Smith, lét lífið þegar hún tók inn e-pillu í fyrsta skiptið. Hún var fyrirmyndarnemandi og ekki er vitað til þess að hún hafi nokkurntíman áður notað fíkniefni.

Lila-Grace gisti, ásamt nokkrum jafnöldrum, hjá vinkonu sinni. Stúlkurnar ákváðu að prufa að taka inn fíkniefnið alsælu, í pilluformi sem betur er þekkt undir nöfnunum e-pilla og Mollý. Þegar vinkonurnar tóku eftir því að eitthvað væri ekki eins og það ætti að vera, hringdu þær á sjúkrabíl en það var um seinan, ekki var hægt að bjarga henni.

Móðir Lilu-Grace, Emma, sagðist hafa átt samtal við dóttur sína og varað hana við neyslu fíkniefna. Hún þekkti sjálf unga stúlku sem lést eftir aðeins eina e-pillu. Emma segir dóttur sína nefnt það að einhverjar vinkvenna hennar hafi prófað að nota fíkniefni, hún hafi þó sjálf ekki haft áhuga á því. Lila-Grace var skynsöm, var í tveimur vinnum með skóla og átti kærasta til nokkura ára.

„Hún gisti stundum hjá vinkonum sínum. Við vissum að hún notaði áfengi af og til en við höfðum aldrei neinar áhyggjur af henni,“ sagði Emma.

Vinkonur Lilu-Grace hringdu í kærasta einnar þeirra, rétt upp úr klukkan ellefu að kvöldi til. Kærastinn var kominn til þeirra um tuttugu mínútum síðar og reyndi að hjálpa Lilu-Grace. Þegar ástand hennar versnaði til muna, rétt fyrir miðnætti, hringdi hópurinn í neyðarlínuna. Sjúkraflutningamenn reyndu endurlífgun, án árangurs.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -