Fimmtudagur 8. desember, 2022
-0.2 C
Reykjavik

Verður oft fyrir fordómum vegna húðlitar síns: „Engum ætti að líða illa yfir að hafa fæðst svartur“

Helgarviðtalið

- Auglýsing -

Orðrómur

- Auglýsing -

Að sögn Sól­eyjar Lóu Smára­dóttur, sem er fimm­tán ára grunn­skóla­stúlka sem hefur stigið fram og greint frá kyn­þátta­for­dómum sem hún hefur orðið fyrir, eru ein­elti, hatur­s­orð­ræða og kyn­þátta­for­dómar allt samtengt, eins og segir í grein Fréttablaðsins:

„Ég gæti sagt að þetta tengist allt að ein­hverjum vissum punkti, því að þetta er allt ljótt sem er að gerast í kringum hatur­s­orð­ræðu, ein­elti og for­dóma. Ekkert við þetta er gott og þetta ætti ekki að gerast. Ég myndi segja að þetta tengist allt.“

Sól­ey Lóa kom í heimsókn á Frétta­vaktina í kvöld.

Segist Sól­ey Lóa oft heyra um­mæli sem henni hafa fundist mjög ó­þægi­leg:

„Mér finnst að þetta ætti bara alls ekki að vera, því að það er svo leiðin­legt að fá eitt­hvað svona á móti sér, bara af því að maður er dökkur á hörund eða af því að maður er ein­hvern vegin öðru­vísi. Þetta ætti alls ekki að vera svona; engum ætti að líða illa yfir að hafa fæðst svartur; eða ein­hvern veginn litaður eða öðru­vísi; ég ræð ekki hvernig ég fæðist; ég bara fæddist svona. Það að sam­fé­lagið tekur ekki hlý­lega á móti mér, ég skil það ekki,“ sagði þessi hugrakka stúlka sem gagn­rýndi við­brögð skóla­stjórans í grunn­skólanum hennar eftir að hún sagði frá þeim for­dómum sem hún hefur upplifað. Segir hún að skóla­stjóranum hafi fundist „klikkað“ að heyra þetta frá Sól­eyju Lóu:

„Þetta var í fyrsta sinn sem hún var að fá svona mál, þannig að hún kunni örugg­lega ekki alveg að bregðast við svona, en hvernig hún brást við, það skildi ég ekki, því það tók hana svo langan tíma að púsla því saman hvað hún átti að gera.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -