Fimmtudagur 18. apríl, 2024
1.1 C
Reykjavik

Yfirvofandi eldsneytisskortur – Nokkur góð sparnaðarráð

VefTv

- Auglýsing -

Hlaðvörp

- Auglýsing -

Á hádegi í dag, miðvikudag, er yfirvofandi verkfall hjá bifreiðastjórum í Eflingu. Eins og Mannlíf greindi frá í gær þá eru margir farnir að hamstra eldsneyti. Mannlíf fékk nokkur góð sparnarðarráð frá Félagi íslenskra bifreiðaeigenda. Ef af verkfalli verður þá er víst eins gott að spara hvern eldsneytisdropa.

  • Skipuleggðu útréttingar. Betra er að stoppa nokkrum sinnum í einni ferð en fara margar stuttar ferðir.
  • Frá því tekið er af stað eftir ræsingu á að skipta beinskiptum bíl eins fljótt og mögulegt er upp í annan gír og síðan áfram í hærri gíra með léttum inngjöfum.
  • Fylgstu með eyðslumæli bíls (ef hann er til staðar) og nýttu til að draga úr eldsneytisnotkun.
  • Sé bíll búinn aksturssparnaðarstillingu (ECO) er æskilegt að nota þá stillingu sem mest.
  • Aktu með bílvélina á lágum snúningi. Forðastu mikinn snúningshraða í akstri.
  • Ef beinskiptur bíll er ekki búið snúningshraðamæli þá er ráðlagt að skipta úr – í 2. gír á 10-15 km/klst hraða, upp í 3. gír á 40 km/klst og 4.- og 5. gír eftir að 60 km/klst hefur verið náð.
  • Skipuleggðu aksturinn áður en komið er að gatnamótum og umferðarljósum. Fylgstu með hvort bílar á undan eru að fara að beygja.
  • Aktu í takt við flæði umferðarinnar þar sem umferð er mikil. Svigakstur sparar ekki tíma sem neinu nemur, getur skapað hættu og eykur eldsneytiseyðslu.
  • Aktu með jöfnum inngjöfum. Æskilegur snúningshraði er um 2000 snúningar á mínútu. Þar sem því er viðkomið á að aka beinskiptum bílum sem mest í efstu gírum.
  • Aktu á löglegum hraða.
  • Hraðakstur eykur bensíneyðslu og veldur umhverfisspjöllum.
  • Taktu af stað með jöfnum hraða, sparaðu óþarfa inngjafir og forðastu snögghemlun.
  • Veldu greiðfærar umferðargötur til að draga úr stoppum.
  • Ekki forhita bílvél í meira en 30 sekúndur, það veldur óþarfa mengun og eyðslu.
  • Stöðvaðu bílvélina ef bíllinn er í hægagangi meira en eina mínútu. Hægagangur í eina mínútu er eldsneytisfrekari en gangsetning.
  • Gakktu eða hjólaðu styttri vegalengdir.
  • Skipuleggðu samflot í bíl með öðrum þegar hægt er að koma því við.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -