Innanhússhönnuðurinn og stofnandi og ritstýra islanders.is, Auður Gná Ingvarsdóttir, hefur sett íbúð sína á Baldursgötu 30 í Reykjavík á sölu.
![](https://www.mannlif.is/wp-content/uploads/2020/05/7fdae6c09c6109bd86024972759ac0fe972c018a-1024x699-1.jpg)
Íbúðin er 88 fermetrar og ásett verð er 52,5 milljónir króna. Íbúðin var öll tekin í gegn árið 2015 en hún er búin einu svefnherbergi og einu baðherbergi.
![](https://www.mannlif.is/wp-content/uploads/2020/05/99eae300fee69e049252017d379d47e308d53007.jpg)
Auður er annáluð smekkmanneskja og því íbúðin öll hin glæsilegasta en henni fylgja einnig svalir með góðu útsýni, og gómsætri lykt eins og Auður segir sjálf í Facebook-færslu þar sem hún vekur athygli á fyrirhugaðri sölu.
![](https://www.mannlif.is/wp-content/uploads/2020/05/c9e0071d3f6b158157ff6410bd47b9f43a162b6f-1024x681-1.jpg)
„Beint fyrir utan gluggann er að finna áræðanlegustu eldhúsklukku í allri Reykjavík í turni Hallgrímskirkju, og því ekki ástæða til að ofsjóða pasta, grænmeti eða annan mat. Auk þess er Eldsmiðjan á næsta horni og Snaps á því þar næsta, þannig að ef maður er ekki mikið fyrir að elda, þá er ekki hætta á að svelta. Úrvals útsýni til norðurs og suðurs. Á góðum sumardögum koma svalirnar að góðum notum, algjör stilla og oft á tíðum magnaður ilmur af eldbökuðum pizzum,“ skrifar Auður og bætir einnig við að opið hús sé í eigninni á morgun, 10. apríl, frá 17.15 til 17.45.
![](https://www.mannlif.is/wp-content/uploads/2020/05/225d79494522b2298a42d91eae55979b86b1c1ac.jpg)
„Mín opna, bjarta og skemmtilega óhefðbunda íbúð er í sölu og á morgun er hægt að koma við og skoða. Ef að einhver veit um einverja opna, bjarta og óhefðbunda einstaklinga sem hefðu áhuga á að búa á besta stað í Þingholtunum, þá væri tilvalið að láta vita af Baldursgötunni.“
![](https://www.mannlif.is/wp-content/uploads/2020/05/da96da4d87b2f382af9c7e93ce12c44d55140448-1024x683-1.jpg)
Þetta er ekki í fyrsta sinn sem Auður setur íbúðina á sölu, en samkvæmt frétt Smartlands í apríl í fyrra, fyrir næstum því sléttu ári, var íbúðin þá á markaðinum.
![](https://www.mannlif.is/wp-content/uploads/2020/05/99805968f6d0102c9a856ff01be225049c3b5b4e.jpg)
![](https://www.mannlif.is/wp-content/uploads/2020/05/96e48238e4caed87ce9e3642246fdda52df52061-1024x675-1.jpg)