Egil langar í smá visku: „Það er ábyggilega hægt að nota gervigreind til að framleiða svona frasa“

Fjölmiðlamaðurinn Egill Helgason er kominn með leiða á frösum þeim er honum þykja einkenna kosningabaráttuna um Bessastaði þetta vorið.

Nefnir þreytta frasa: „Þjóðin á að geta hallað sér að forsetanum þegar á móti blæs.“ „Forsetinn á að hjálpa tækifærum Íslands að vaxa.“ „Forsetinn á að horfa yfir öxlina á þinginu.“

Bætir svo við:

„Sýnishorn af selvfölgeligheder sem frambjóðendur flíka þessa dagana. Það er ábyggilega hægt að nota gervigreind til að framleiða svona frasa.“

Endar á þessum orðum:

„Ég held mig langi í smá visku – ekki bara frasa og metorðagirnd. Þarf ekki að vera óyfirstíganlegt.“