Brynjar ætlar ekki að bjóða sig fram: „Ég er of truntulegur til að gegna svona embætti“ -

- Auglýsing -

Brynjar Níelsson ætlar ekki að bjóða sig fram til forseta Íslands.

Háðfuglinn og varaþingmaðurinn Brynjar Níelsson segist hafa fengið áskorun í beinni útsendingu á Bylgjunni um að bjóða sig fram til embættis forseta Íslands. „Gamall kollegi og félagi gerði mér þann óleik í beinni útsendingu á Bylgjunni að skora á mig í framboð til forseta Íslands. Áhrifamáttur fjölmiðla er mikill og nú hellast yfir mig áskoranir. Af því að það hentar mér illa að liggja undir feldi dögum saman þá ætla ég ekki að bíða með tilkynningu. Hún er sú að ég ætla ekki í framboð til forseta Íslands.“

Brynjar tiltekur svo helstu ástæðurnar fyrir ákvörðun sinni:

„Ástæður eru þessar helstar:

Ég er alþýðustrákur úr Hlíðunum, sem breyttist í götustrák eftir að ég byrjaði í stjórnmálum. Allt snobb, sérstaklega menningarsnobb á illa við mig, sem og hvers kyns tildur. Ég er í grunninn mannafæla og líður best í felum bak við lyklaborð. Ég hef fallið í öllum kúrsum í fágunarskóla Soffíu og skortir allar fínessur, sérstaklega þegar kemur að framkomu og klæðaburði. Ég er of truntulegur til að gegna svona embætti.

Pólitískir andstæðingar mínir, oft nefnt góða fólkið, hefur haldið því fram að mig skorti alla samkennd og mannúð og manngæska sé mér framandi. Ég vil nú mótmæla því og fullyrði að þeir sem þekkja mig taki undir þau mótmæli. En meginástæðan fyrir þvi að ég ætla ekki í framboð er sú að ég vil halda hjónabandinu gangandi eitthvað lengur.“

Þá segir hann að eiginkona hans væri betri kostur í embættið en hann.

„Það væri miklu nær að menn skoruðu á Soffíu í framboð. Hún hefur allt að bera sem prýtt gæti einn forseta. Hún hefur aldrei gert neitt af sér í lífinu, ekki einu sinni farið yfir á rauðu gönguljósi. Hún er vel að sér um hlutverk og skyldur forseta. Hún er með diplómu úr öllum bestu fágunarskólum heims. Að auki er hún afskaplega hlýleg og elskuleg og hvers manns hugljúfi. Ég vil samt ekki sjá svipinn á henni þegar hún kemst að þessari færslu.“

Að lokum segist Brynjar ekki vilja lýsa yfir stuðningi við ákveðinn frambjóðanda.

„Ég ætla ekki að lýsa yfir stuðningi við ákveðinn frambjóðanda, það yrði bjarnargreiði. Ætla samt að vona að þessar kosningar verði ekki eins og hver önnur Júróvisjónkosning þar sem umbúðirnar skipta meira máli en innihaldið.“

Brynjar ætlar ekki að bjóða sig fram: „Ég er of truntulegur til að gegna svona embætti“

VefTv

Eiríkur Ingi synti sér til lífs í stórsjó: „Ég sá hann aldrei aftur eftir þetta“

Hlaðvörp

Sakamálið – 21. þáttur: Presturinn, harðstjórinn og morðinginn

Athugasemdir

Lestu meira

Edda og Björgvin Franz styðja Jón Gnarr: „Gefum honum von“ – Myndband

Helga Þórisdóttir: „Staðfesta mín hefur farið fyrir brjóstið á valdamiklu fólki á æðstu stöðum“

Stefán segir tvær þjóðir búa á Íslandi: „Best að hrófla ekkert við þessu“

Glúmur: „Forseti þarf að hafa kjark til að gera annað en að stunda sauðburð og planta trjám“

Veistu meira um málið?

Nýtt í dag

Páll styður Katrínu

Hnefaleikakappi réðst á mann í kvikmyndasal – MYNDBAND

Tveir menn réðust á rapparann Jim Jones á flugvelli – MYNDBAND

Mest lesið í vikunni

Eiríkur Ingi synti sér til lífs í stórsjó: „Ég sá hann aldrei aftur eftir þetta“

Skúli Tómas sinnir sjúklingum á Landspítalanum af og til: „Þetta er bara ógeðslegt“

Dagur segir fréttaflutning Maríu Sigrúnar og RÚV rangan: „Kannski var það gott sjónvarp“

Raddir

Þegar maður neyðist til að brjóta lög

Það sem mamma mín veit

Lítið ævintýri um caprísveina

Vín og matur 1. tbl. 2024

Vín og matur 1. tbl. 2024

Í fréttum er þetta helst...