Bubbi Morthens kallaði Jón Gnarr „hálfvita“ og sagði Tvíhöfða vera „drasl“.
Jón Gnarr skrifaði stutta en afar upplýsandi færslu á Twitter í hádeginu í dag. Segir hann þar að Bubbi Morthens, söngvaskáldið góða, hefði sagt að Tvíhöfði þeirra Jóns og Sigurjóns Kjartanssonar vera „drasl“ og Jón „hálfvita“. Ekki kemur fram hvar Bubbi lét þessi orð falla en í athugasemd við færsluna segist Jón engu ljúga.
„Bubbi sagði að Tvíhöfði væri drasl og ég væri hálfviti! tryggið yður áskrift og fáið fréttir sem vert er að skoða!“
Bætti hann svo við í athugasemd: „okkur er öllum brugðið og við erum miður okkar“.
Þegar Hörður nokkur spyr gáttaður: „Ha? Sagði hann það í alvöru?“ svaraði Jón að bragði: „jább!“
Hólmfríður nokkur sló á létta strengi í sinni athugasemd: „Flott meðmæli. Segi upp Mogganum og splæsi í áskrift.“
Tvíhöfði hóf nýlega aftur göngu sína eftir að hafa hætt í fyrra en nú eru þættirnir í áskrift, ólíkt því sem var áður.
Bubbi sagði að Tvíhöfði væri drasl og ég væri hálfviti! tryggið yður áskrift og fáið fréttir sem vert er að skoða!https://t.co/dMLVmuCLWN
— Jon Gnarr (@Jon_Gnarr) March 9, 2023