Ofurfyrsætan Gigi Hadid og fyrrum söngvari strákabandsins One Direction, Zayn Malik eru samkvæmt óstaðfestum slúðurfregnum á leiðinni að verða foreldrar. Entertainment Tonight hefur eftir ónafngreindum heimildarmanni að parið sé mjög spennt yfir væntanlegu barni en hafi ákveðið að halda fréttunum innan fjölskyldunnar um hríð þar sem sé Gigi sé bara komin nokkra mánuði á leið.
Þau Gigi og Zayn hafa átt í nokkuð sveiflukenndu sambandi, byrjuðu að vera saman í nóvember 2015 en hafa síðan slitið sambandinu nokkrum sinnum og byrjað aftur. Í lok síðasta árs tóku þau saman eina ferðina og segir heimildamaðurinn ónafngreindi í frétt popsugar.co.uk að þá hafi þau vitað að það sem þau ættu saman væri alveg sérstakt. „Þau og fjölskyldur þeirra eru yfir sig hamingjusöm með fréttirnar,“ klykkir sú ónefnda út með.
Gigi Hadid varð 25 ára fyrir nokkrum dögum og hélt upp á afmælið í faðmi fjölskyldunnar og Zayn, að sjálfsögðu. Parið hefur ekki staðfest orðróminn.