Tónlistarmaðurinn Gillon eða Gísli Þór Ólafsson eins og hann heitir, hefur nú gefið út sína fimmtu plötu eftir sex ára hlé.
Bláturnablús er fimmta sólóplata Gillons og sú fyrsta eftir 6 ára hlé. Upptökur hófust sumarið 2020 og var tekið upp með hléum í Stúdíó Benmen fram undir lok ársins 2021. Platan inniheldur 9 lög og texta eftir Gísla Þór Ólafsson og syngur Gísli þau öll og spilar á kassagítar og bassa. Upptökustjóri er Sigfús Arnar Benediktsson, en þeir Gísli og Sigfús hafa unnið allar plötur Gísla saman. Sigfús spilar á rafmagnsgítar, trommur, píanó, hammond-orgel, bassa og hljóðgervla. Í lokalaginu „Engirauð tár“ eru gestasöngvarar í bakröddum, þau Sigurlaug Vordís Eysteinsdóttir, Emelíana Lillý Guðbrandsdóttir og Eysteinn Ívar Guðbrandsson.
Myndin sem prýðir á umslagið er eftir Óla Þór Ólafsson.
Platan kom fyrst í stað út á streymisveitum þann 22. febrúar 2022 og svo á vínyl í maí.
Gísli hefur gefið út sjö frumsamdar ljóðabækur á tímabilinu 2006-2019 og fimm breiðskífur á tímabilinu 2012-2022. Hann er einnig meðlimur í bandinu Contalgen Funeral en það band var virkt á árunum 2011-2018 og hefur gefið út tvær breiðskífur.
Lagalisti plötunnar Bláturnablús
Lukkuklukkur
Vertu þér í vil
Tímaglas
Má ekki elska þig
Fíll og köttur
Bláturnablús
Kaðalskikkjur
Á hárréttum tíma
Engirauð tár
Spotify-hlekkur: https://open.spotify.com/album/12sZ547mbQl4i2JDz4k50g?si=EbIooq0yQg6iYVHwBpSQmw
Youtube-hlekkur: https://www.youtube.com/watch?v=vxJT0LvI17U&list=OLAK5uy_mvnyPdZjktstbLQ7SPbhhz_bmNfaF0at0