Gísli Marteinn Baldursson þáttastjórnandi Vikunnar, sem sýndur er í Ríkissjónvarpinu, hefur leitað á náðir fylgjenda sinna á Twitter. Hann óskar eftir mjög fyndnum bröndurum sem hann gæti farið með í dagskráliðnum „Fréttir Vikunnar“ í sjónvarpsþætti sínum. Ekki er vitað hvort kappinn knái sé lamaður af ritstíflu en hann auglýsir tækifæri fyrir alla að semja gott grín. Brandarana má senda á hann í persónulegum skilaboðum.
Virðist tístið hans Gísla Marteins fara smá á ská í einhverja notendur samfélagsmiðilsins. Vignir Rafn bendir á að eitt sinn hafi RÚV greitt meðlimum Spaugstofunnar fyrir að gantast af ráðamönnum og þjóðinni en nú sé þróunin sú að leitað sé á náðir almennings að koma með einn úr kaffistofunni.
Færslur Gísla Marteins og Vignis Rafns má sjá hér að neðan:
Hafið þið séð einhverja mjög fyndna brandara í vikunni sem myndu smellpassa í Fréttir Vikunnar? Núna er tækifærið til að semja gott grín a la @bergsteinn3. Má senda DM. #vikan
— Gísli Marteinn (@gislimarteinn) February 14, 2023
Einu sinni var til Spaugstofa sem fékk borgað fyrir að gera grín að ráðamönnum og þjóðinni,
Atvinnumenn í faginuNúna er spurt á netinu hvort við höfum heyrt einn góðann á kaffistofunni sem @RUVSjonvarp má nota í 3 mín innslagi og þar með tikka í „grínboxið”.
Frekar leim þróun https://t.co/C4vRu3boOM
— Vignir Rafn (@vignirrafn) February 14, 2023