Kristján Einar Sigurbjörnsson eða Kleini eins og hann er oftast kallaður er að hitta fitnesdrottninguna Hafdísi Björgu Kristjánsdóttur en taka bara eitt skref í einu að sögn Kleina.
Hafdís Björg á fimm börn úr fyrra sambandi en hún er ellefu árum eldri en Kleini, sem sjálfur á eina dóttur. Hefur hún verið afar áberandi í fitnesheiminum en hún er margfaldur Íslandsmeistari í faginu. Þá er hún eigandi líkamsmeðferðarstofunnar Virago. Í samtali við Mannlíf sagði Kleini að fjölmiðlar hafi farið svolítið á undan þeim hvað opinberun varðar en að þau séu að taka eitt skref í einu.
„Við erum að taka eitt skref í einu og sjá hvert það leiðir okkur, við erum mjög ánægð með hlutina einsog þeir eru daginn í dag þó fjölmiðlar hafi farið aðeins á undan okkur með hvað opinberun varðar, en staðan er þannig að við erum ánægð með hvar við stöndum og stefnum.“