Neyðarástand ríkir nú fyrir botni miðjarahafs en þúsundir manna hafa látist í átökunum á síðustu vikum. Flestir hinna látnu eru sagðir vera konur og börn en átökin á svæðinu hafa stigmagnast eftir að sjö daga vopnahléi lauk þann 30.nóvember. Gríðarleg þörf er fyrir mannúðarstarf á Gaza og fjöldi barna eru á vergangi.
Þegar átökin brutust út brást Barnaheill skjótt við og stækkuðu umfang neyðaraðstoðar á svæðinu. Samtökin hafa unnið hörðum höndum til þess að safna fjármagni sem styðja við börn og fjölskyldur í neyð á Gaza.
Þær Gríma Björg Thorarensen og Jóna Vestfjörð Hannesdóttir hafa nú sett á laggirnar jólahappdrætti til styrktar Barnaheilla en hver miði kostar litlar 3000 krónur. Vinningar eru að verðmæti 2,5 milljón króna og er miðinn tilvalin jólagjöf. Leggðu þín lóð á vogarskálarnar og taktu þátt í neyðarsöfnun fyrir börn og fjölskyldur sem eiga um sárt að binda.
Miðarnir eru seldir á Tix.is
