Nýtt ofurpar er orðið að veruleika en Biggi lögga og listakonan Sísí Ingólfsdóttir eru byrjuð saman.
Hið glænýja par opinberuðu sambandið á Facebook í gær en tíu ára aldursmunur er á þeim. Biggi eða Birgir Örn Guðjónsson eins og hann heitir réttu nafni, er fæddur 1976 en Sísí árið 1986.
DV sagði frá gleðifréttunum í dag en þar kemur fram að Sísí hafi lokið BA-gráðu í listfræði frá Háskóla Íslands og MA gráðu í myndlist frá Listaháskóla Íslands. Biggi lögga nam við Lögregluskóla Íslands en hann er þekktur fyrir pistla sína en samfélagsrýni hans vekur oftar en ekki talsverða athygli. Saman eiga þau sex börn úr fyrri samböndum, hann tvö, hún fjögur.
Mannlíf óskar Bigga og Sísí til hamingju með sambandið!