- Auglýsing -
Aðdáendur ofurhetjumynda bíða spenntir eftir næstu mynd um ofurmennið Clark Kent, betur þekktur sem Superman, en ný mynd um kappann er væntanleg 11. júlí á næsta ári. Leikstjóri og handritshöfundur myndarinnar er James Gunn en hann er þekktastur fyrir að hafa leikstýrt Guardians of the Galaxy-myndunum fyrir Marvel.
Nýr leikari hefur verið ráðinn til að leika Superman en David Corenswet tekur við af Henry Cavill. Corenswet er nokkuð óþekktur leikari en James Gunn hefur mikla trú á leikaranum. Í myndinni leika einnig Nathan Fillion, Anthony Carrigan og Nicholas Hoult ásamt fleirum.
Í gær birti James Gunn fyrstu myndina af Corenswet í hlutverki Superman en ef marka má viðbrögð internetsins þá fellur nýr búningur ekki í kramið hjá fólki.
