Föstudagur 12. apríl, 2024
1.1 C
Reykjavik

Smári Tarfur genginn í Bootlegs: „Rifinn bolur og vesti. Ekkert rugl“

VefTv

- Auglýsing -

Hlaðvörp

- Auglýsing -

Smári Tarfur er genginn til liðs við Bootlegs.

Hin goðsagnakennda thrash-metal hljómsveitin Bootlegs hefur nú heldur betur fengið liðstyrk en Smári Tarfur tilkynnti í gær að hann væri genginn til liðs við hljómsveitina. Bootlegs var stofnuð árið 1986 og var ein af þeim böndum sem vakti rokksenuna upp af værum svefni á seinni hluta níunda áratugarins og starfaði til 1991. Hljómsveitin byrjaði aftur árið 1998 og hefur haldið dampi síðan. Og nú er útvarpsmaðurinn og gítarleikarinn Smári Tarfur Jósepsson genginn í Bootlegs.

Smári, sem hefur verið í hljómsveitum á borð við Quarashi, Spitsign, Ylju og dúettnum Hot Damn svo eitthvað sé nefnt, skrifaði Facebook-færslu í gær þar sem hann tilkynnti stórfréttina. Með færslunni birti hann gamalt veggjakrot sem hann bar sennilega ábyrgð á. Hér má lesa færsluna:

„BOOTLEGS!

Þetta stendur á gaflinum á Skjaldborgarbíói (Skjaldborgarbíó) á Vatneyri í gamla heimabænum, Patreksfirði. Sökudólgurinn er ég (eða kannski bara Rúnar Freyr Hauksson?) og átti hið ófyrirgefanlega skemmdarverk sér stað árið 1989. Bootlegs var alltaf í miklu uppáhaldi hjá okkur. Og við máttum alls ekki koma nálægt sprey-brúsa í þá daga.
Það er virkilega skemmtilegt að segja frá því að ég er genginn til liðs við Bootlegs. Og fyrstu tónleikarnir mínir með þeim verða á helginni – nánar tiltekið á Norðurhjararokk Verkstæðið Akureyri og Norðurhjararokk Gaukurinn .
Rifinn bolur og vesti.
Ekkert rugl:)“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -