Goðsagnakennda söngkonan Tina Turner er látin, 83 ára að aldri. Lést hún eftir erfið veikindi á heimili sínu í Kusnacht, nálægt Zürich í Sviss.
„Það er með mikill sorg sem við tilkynnum andlát Tinu Turner,“ segir í tilkynningu sem birtist á samfélagsmiðlum hennar. „Með tónlist sinni og óþrjótandi ástríðu hennar fyrir lífinu, heillaði hún milljónir aðdáenda í kringum hnöttinn og veitti stjörnum morgundagsins innblástur. Í dag kveðjum við kæran vin sem skilur okkur eftir með hennar dýrmætustu verk: Tónlist hennar. Öll okkar innilegasta samúð vottum við fjölskyldu hennar. Tina, við söknum þín sárt.“
Aðeins eru liðnir nokkrir mánuðir síðan sonur hennar og Ike Turner, Ronnie lést. „Ronnie, þú yfirgafst heiminn alltof snemma,“ skrifaði Tina þann 9. desember á Instagram. „Í sorg loka ég augum mínum og hugsa til þín, minn ástkæri sonur.“
E News! er meðal fjölmiðla sem sagði frá andlátinu.