Guðni Ágústsson, fyrrverandi formaður Framsóknarflokksins, segir frá því í nýrri bók sinni, Guðni/Flói bernsku minnar, að hann hafi átt alnafna í austurborg Reykjavíkur. Auk þess var hann með naánst sama heimilisfang og pólitíkusinn. Sá Guðni Ágústsson bjó nefnilega við götuna Brúnastöði en stjórnmálamaðurinn er eins og flestum er kunnugt frá bænum Brúnastöðum á Suðurlandi. Guðni útskýrði þetta í hlaðvarpinu Mannlífinu.
Á meðan stjórnmálamaðurinn Guðni var landbúnaðarráðherra áttu margir erindi við hann til að skammast eða hrósa kappanum sem var mikið í sviðsljósinu. Þá var nærtækt að fletta upp í símaskránni og sumum til undrunar var Guðni Ágústsson með skráð símanúmer og átti meira að segja heima á Brúnastöðum. Hann tók hringingum alla jafna vel en hætti fljótlega að leiðrétta innhringjandendur en hlustaði á jafnt hrós sem skammir og sagði svo gjarnan að álitsgjafinn hefði nokkuð til síns máls og bauð honum að koma við fyrsta tækifæri í landbúnaðarráðuneytið og ræða málin betur …