- Auglýsing -
Jón Viðar Jónsson leiklistargagnrýndandi hefur séð ljósið í yfirstandandandi forsetakosningum vill að Arnar Þór Jónsson verði næsti forseta lýðveldisins. Þessa niðurstöðu byggir hann á frammistöðu forsetaefnisins í sjónvarpsþætti. Lofið er dýrt kveðið.
„Eldklár og flugmælskur og ekki bara það: málflutningur hans felst að verulegu leyti i hárbeittri og gegnhugsaðri gagnrýni á ruglið, vanhæfnina og siðleysið sem veður uppi i stjórnkerfinu og allt vel hugsandi fólk er löngu komið með upp i kok af,“ skrifar Jón Viðar á Facebook og vísar til þess að Arnar Þór kveðst ekki hafa samþykkti stólaskiptin þegar Katrín Jakobsdóttir kom Bjarna Benediktssyni í stól forsætisráðherra.
„Hugsið ykkur bara ef Guðni Th, þessi væni en ekki alltof atkvæðamikli drengskaparmaður, hefði nú haft döngun i sér að stöðva hina ósvifnu stólaleiki BB og Svandisar sem vöktu óbeit og fyrirltningu þorra landsmanna! Þegar Arnar Þór kveðst myndu hafa gripið þar inni og sett þeim stólinn (ráðherrastólinn) fyrir dyrnar, þá efa ég ekki eitt andartak að hann hefði gert það. Og það er góð tilhugsun að rikisráðsfundirnir verði annað og meira en formlegheitin innantóm og gervilbros framan i ljósmyndara,“ skrifar Jón Viðar og heitir því að atkvæði hans fari á Arnar Þór að óbreyttu til bjargar veikluðu lýðveldi.
Ekki er víst að stuðningur Jóns Viðars dugi til að fleyta Arnari á Bessastaði. Það er nokkur brekka framundan því forsetaefnið hefur aðeins stuðning rúmlega fimm prósenta kjósenda og er þess utan umdeildur fyrir að vera hörundssár og vilja lögsækja skopmyndateiknara …