Birgir Jónsson, forstjóri Play, á erfitt með að sætta sig við sögusveim um að fyrirtaki hans sé „á barmi gjaldþrots“. Hann segir í viðtali við Fréttablaðið að árangur félagsis sé allt annar og meiri en svo að hann eigi skilið að sitja undir slíku ámæli varðandi reksturinn.
Birgir hefur staðið keikur í stafni og rekið félagið af krafti við illbærilegar aðstæður. Gríðarlegt tap hefur orðið á undanförnum árum vegna Covid og afleiðinga faraldursins. Eldsneyti er komið í hæstu hæðir. Birgir bendir aftur á móti á að félagið sé skuldlaust og hann telji framtíð þess vera bjarta. Svarstsýnisspár telja aftur á móti að á þessu ári gæti félagið farið í þrot. Birgir segir við Fréttablaðið að sumir vilji að þeim farnist vel á meðan aðrir bíði með öndina í hálsinum eftir að þeim mistakist. Í þessu efni má minna á að spor Skúla Mogensen og Wow-air hræða.
Birgir segist ekki missa svefn vegna þess. „Flugfélag eins og Play verður alltaf á milli tannanna á fólki …,“ segir hann í Fréttablaðinu og hæðist að landanum með þeim orðum að Íslendingar séu ekki bara sérfræðingar í bólusetningum heldur líka líka í flugrekstri …